ಅನುಮಾನದ ಭೂತ.. ಪತಿಯ ಕೊಂದು ರುಂಡ ಪೊಲೀಸ್​ ಠಾಣೆಗೆ ತಂದ ಹೆಂಡತಿ..!

ಈ ದಂಪತಿಗೆ 25 ವರ್ಷದ ಮಗ ಇದ್ದಾನೆ. ಇತ್ತೀಚಿಗೆ ಗಂಡನ ಮೇಲೆ ತೀವ್ರ ಅನುಮಾನ ಪಡುತ್ತಿದ್ದ ಪತ್ನಿ ಮೊನ್ನೆ ಪತಿಯ ಜೊತೆ ಜಗಳವಾಡಿದ್ದಾರೆ ಎನ್ನಲಾಗಿದೆ. ಈ ವೇಳೆ ಜಗಳ ತಾರಕಕ್ಕೇರಿದ್ದು ಪತ್ನಿ ಗಂಡನನ್ನು ಕೊಲೆ ಮಾಡಿದ್ದಾಳೆ.

ಆ ಬಳಿಕ ಪತಿಯ ರುಂಡವನ್ನು ಪ್ಲಾಸ್ಟಿಕ್​ ಕವರ್​ನಲ್ಲಿ ಸುತ್ತಿಕೊಂಡು ಆಟೋದಲ್ಲಿ ಪೊಲೀಸ್​ ಸ್ಟೇಷನ್ ದಾರಿ ಹಿಡಿದಿದ್ದಾಳೆ. ಕೈಯಲ್ಲಿ ಪತಿಯ ರುಂಡ ಹಿಡಿದು ಬಂದ ಈಕೆಯನ್ನು ಕಂಡು ಪೊಲೀಸರು ಅರೆ ಕ್ಷಣ ಶಾಕ್​ಗೆ ಒಳಗಾಗಿದ್ದಾರೆ. ಸದ್ಯ ಪ್ರಕರಣ ದಾಖಲಿಸಿಕೊಂಡ ಪೊಲೀಸರು ಗಂಡನ ಮೃತದೇಹವನ್ನು ಮರಣೋತ್ತರ ಪರೀಕ್ಷೆಗಾಗಿ ತಿರುಪತಿಯ ರೂಯಿ ಆಸ್ಪತ್ರೆಗೆ ರವಾನಿಸಿದ್ದಾರೆ.