ಮೈಸೂರಿಗೆ ಕಾಲಿಟ್ಟ ‘ರೋಬೋ ಸುಂದರಿ’, ಗ್ರಾಹಕರಿಗೆ ಹೇಗೆ ಸೇವೆ ನೀಡ್ತಾಳೆ ಗೊತ್ತಾ ಈ ‘ಚೆಲುವೆ’..?

ಹೋಟೆಲ್‍ಗಳಲ್ಲಿ ಗ್ರಾಹಕರಿಗೆ ಸೇವೆ ನೀಡುವ ‘ರೋಬೋ ಸುಂದರಿ’ ಸಾಂಸ್ಕೃತಿಕ ನಗರಿ ಮೈಸೂರಿಗೆ ಕಾಲಿಟ್ಟಿದ್ದಾಳೆ. ಗ್ರಾಹಕರಿಗೆ ಉತ್ತಮ ಸೇವೆ ನೀಡಲು ನೂತನ ಪ್ರಯತ್ನಕ್ಕೆ ಕೈ ಹಾಕಿರುವ ಮೈಸೂರಿನ ಪ್ರತಿಷ್ಠಿತ ಸಿದ್ಧಾರ್ಥ ಹೋಟೆಲ್ ಮಾಲೀಕರು ರೋಬೋ ಚೆಲುವೆಯನ್ನ ತರಿಸಿದ್ದಾರೆ. ಈಗಾಗಲೇ ಹೋಟೆಲ್​ನಲ್ಲಿ ಸೇವೆ ಸಲ್ಲಿಸ್ತಿರುವ ರೋಬೋ ಸುಂದರಿ ಗ್ರಾಹಕರಿಗೆ ಕೇಳಿದ ತಿಂಡಿ-ತಿನಿಸುಗಳನ್ನ ಫಟಾಫಟ್​ ಅಂತಾ ತಂದು ಕೊಡುತ್ತಿದ್ದಾಳೆ.

ಈ ಬಗ್ಗೆ ನ್ಯೂಸ್​1 ಜೊತೆ ಮಾತ್ನಾಡಿದ ಸಿದ್ದಾರ್ಥ ಗ್ರೂಪ್ಸ್ ಛೇರ್ಮನ್ ಪಿ.ವಿ.ಗಿರಿ, ಕೊರೊನಾ ವೇಳೆ ನಮ್ಮ ಹೋಟೆಲ್​ನಲ್ಲಿ ಸರ್ವರ್​ಗಳ ಕೊರತೆ ಇತ್ತು. ಇದ್ರಿಂದ ಗ್ರಾಹಕರಿಗೆ ಉತ್ತಮ ಸೇವೆ ನೀಡಲು ಆಗುತ್ತಿರಲಿಲ್ಲ. ಗ್ರಾಹಕರಿಗೆ ಉತ್ತಮ ಸೇವೆ ನೀಡಲು‌ ಹೊಸ ಪ್ರಯತ್ನ ಮಾಡಿದ್ದೇವೆ‌. ನಮ್ಮ ಹೋಟೆಲ್​ಗೆ ಹೆಚ್ಚಿನ ಸಂಖ್ಯೆಯಲ್ಲಿ ಗ್ರಾಹಕರು ಬರುತ್ತಿದ್ದು, ಸದ್ಯ ದೆಹಲಿಯಿಂದ ಒಂದು ರೋಬೋವನ್ನು ತರಿಸಲಾಗಿದೆ‌. ಇನ್ನೂ ಆರು ರೋಬೋಗಳನ್ನು ಹೋಟೆಲ್​ಗೆ ತರಿಸುತ್ತೇವೆ. ನಾವು ಮಾಡಿರುವ ಹೊಸ ಪ್ರಯತ್ನ ಜನರಿಗೂ ಇಷ್ಟವಾಗುತ್ತಿದೆ ಎಂದು ಸಂತಸ ವ್ಯಕ್ತಪಡಿಸಿದ್ರು.

ಈ ರೋಬೋ ಸುಂದರಿ ಬಗ್ಗೆ ಮಾತ್ನಾಡಿದ ಹೋಟೆಲ್ ಮಾಲೀಕರ ಸಂಘದ ಅಧ್ಯಕ್ಷ ನಾರಾಯಣಗೌಡ, 2.5 ಲಕ್ಷ ರೂ.ವಚ್ಚದಲ್ಲಿ ರೋಬೋ ಚೆಲುವೆ ಸಿದ್ಧವಾಗಿದೆ. ಮುಂದಿನ ದಿನದಲ್ಲಿ ಮತ್ತಷ್ಟು ರೋಬೋ ತರಿಸಲು ಚಿಂತನೆ ನಡೆಸಿದ್ದು, ಒಮ್ಮೆ ಚಾರ್ಜ್ ಮಾಡಿದರೆ 8 ಗಂಟೆ ಕೆಲಸ ನಿರ್ವಸುತ್ತೆ. ಕೊರೊನಾ ಟೈಂನಲ್ಲಿ ಹೋಟೆಲ್​ಗಳಲ್ಲಿ ನೌಕರರ ಕೊರತೆ ಇತ್ತು. ಆ ಸಂದರ್ಭದಲ್ಲಿ ಹೋಟೆಲ್ ಗಳು ಸ್ಥಿತಿ ಆಯೋಮಯವಾಗಿತ್ತು. ಮುಂದಿನ ದಿನಗಳಲ್ಲಿ ಮತ್ತಷ್ಟು ರೋಬೋ ಹೋಟೆಲ್ ಗೆ ಬರಲಿವೆ ಎಂದು ತಿಳಿಸಿದ್ರು.