ದಿನೇ ದಿನೇ ಭಯ ಹುಟ್ಟಿಸುತ್ತಿದೆ ಒಮಿಕ್ರಾನ್; 8 ರಾಜ್ಯಗಳಿಗೆ ಎಚ್ಚರಿಕೆ

ದೇಶಾದ್ಯಂತ ರೂಪಾಂತರಿ ಒಮಿಕ್ರಾನ್​ ಅಬ್ಬರ
ಒಂದು ಸಾವಿರ.. ದೇಶದಲ್ಲಿ ಹೊಸ ತಳಿ ಒಮಿಕ್ರಾನ್​ ಒಂದು ಸಾವಿರದ ಗಡಿ ದಾಟಿದೆ.. ಪತ್ತೆಯಾದ ಕೆಲವೇ ಕೆಲವು ದಿನಗಳಲ್ಲಿ ಸಾವಿರದ ಗಡಿ ದಾಟಿ ಮುನ್ನುಗ್ತಿದೆ.. ದೆಹಲಿ.. ಮಹರಾಷ್ಟ್ರ.. ಗುಜರಾತ್​ ಸೇರಿದಂತೆ ಹಲವಡೆ ರೂಪಾಂತರಿ ಕಾಡ್ಗಿಚ್ಚಿನಂತೆ ಹರಡುತ್ತಿದೆ..

ಒಟ್ಟು ಕೇಸ್​ : 1270
ಕಳೆದ 24 ಗಂಟೆಯಲ್ಲಿ ದೇಶಾದ್ಯಂತ 300ಕ್ಕೂ ಹೆಚ್ಚು ಒಮಿಕ್ರಾನ್​ ಕೇಸ್ಗಳು​​ ಪತ್ತೆಯಾಗಿವೆ. ರೂಪಾಂತರಿ ತಳಿಗೆ ದೇಶದಲ್ಲಿ ಎರಡನೆ ಬಲಿಯಾಗಿದ್ದು, ರಾಜಸ್ಥಾನದ 73 ವರ್ಷದ ವೃದ್ಧ ಒಮಿಕ್ರಾನ್​ನಿಂದ ಜೀವ ಬಿಟ್ಟಿದ್ದಾರೆ. ಸದ್ಯ ದೇಶಾದ್ಯಂತ ಒಮಿಕ್ರಾನ್​ ಸೋಂಕಿತರ ಸಂಖ್ಯೆ 1270ಕ್ಕೆ ಏರಿಕೆಯಾಗಿದೆ.

ಹೊಸ ತಳಿಯ ಅಬ್ಬರಕ್ಕೆ ರಾಷ್ಟ್ರ ರಾಜದಾನಿ ದೆಹಲಿ ಅಕ್ಷರಶಃ ನಲುಗಿದೆ. ಇತ್ತ ಮಹಾರಾಷ್ಟ್ರ ಕೂಡ ಒಮಿಕ್ರಾನ್​ ಅಬ್ಬರಕ್ಕೆ ತತ್ತರಿಸಿದೆ. ಸದ್ಯ ಯಾವ್ಯಾವ ರಾಜ್ಯಗಳಲ್ಲಿ ಎಷ್ಟೆಷ್ಟು ಒಮಿಕ್ರಾನ್​ ಕೇಸ್​ ಪತ್ತೆಯಾಗಿದೆ.

ಒಮಿಕ್ರಾನ್​​ ಮಿಂಚಿನ ವೇಗ..

• ಮಹಾರಾಷ್ಟ್ರ – 450
• ದೆಹಲಿ-320
• ಕೇರಳ-109
• ಗುಜರಾತ್​-97
• ತೆಲಂಗಾಣ-62
• ಕರ್ನಾಟಕ-38

ದಿನದಿನಕ್ಕೂ ತನ್ನ ವ್ಯಾಪ್ತಿ ವಿಸ್ತರಿಸಿಕೊಳ್ತಿರುವ ಒಮಿಕ್ರಾನ್​ ಸದ್ಯ ದೇಶಾದ್ಯಂತ ಆತಂಕ ಹುಟ್ಟು ಹಾಕಿದೆ. ಮುಂದಿನ ದಿನಗಳಲ್ಲಿ ಅಬ್ಬರಿಸುವ ಸಣ್ಣ ಮುನ್ಸೂಚನೆ ಕೊಟ್ಟಿದೆ. ಹೀಗೆ ಒಮಿಕ್ರಾನ್​ ಆತಂಕ ಮನೆಮಾಡ್ತಿದ್ದಂತೆ ದೇಶದ ಕೆಲ ರಾಜ್ಯಗಳಿಗೆ ಕೇಂದ್ರ ಸರ್ಕಾರ ಖಡಕ್​ ಸೂಚನೆಗಳನ್ನ ರವಾನಿಸಿದೆ.

8 ರಾಜ್ಯಗಳಿಗೆ ಎಚ್ಚರಿಕೆ
ದೇಶದ ಎಂಟು ರಾಜ್ಯಗಳಿಗೆ ಕೊರೊನಾ ನಿಯಂತ್ರಣಕ್ಕೆ ಮುಂದಾಗುವಂತೆ ಕೇಂದ್ರ ಸರ್ಕಾರ ಖಡಕ್ ಸೂಚನೆ ರವಾನಿಸಿದೆ. ದೆಹಲಿ, ಮಹಾರಾಷ್ಟ್ರ, ಗುಜರಾತ್, ರಾಜಸ್ಥಾನ್, ಕೇರಳ ಹಾಗೂ ತೆಲಂಗಾಣ ಸರ್ಕಾರಗಳಿಗೆ ಕೇಂದ್ರ ಸರ್ಕಾರ ಎಚ್ಚರಿಸಿದೆ. ಸಾಧ್ಯವಾದಷ್ಟು ಕೊರೊನಾ ಟೆಸ್ಟಿಂಗ್​ಗಳನ್ನ ಹೆಚ್ಚಿಸಿ, ಲಸಿಕೆ ವಿತರಣೆಯನ್ನ ಚುರುಕುಗೊಳಿಸೋಕೆ ತಿಳಿಸಿದೆ. ಅಲ್ಲದೆ ಆಸ್ಪತ್ರೆಗಳಲ್ಲಿ ಎಲ್ಲಾ ಸೌಲಭ್ಯಗಳನ್ನ ಹೆಚ್ಚಿಸಿ ಕೊರೊನಾ ಎದುರಿಸಲು ಸಿದ್ಧವಿರುವಂತೆ ಹೇಳಿದೆ.

ಸದ್ಯ ಹೊಸ ತಳಿ ಒಮಿಕ್ರಾನ್​ ದೇಶಾದ್ಯಂತ ಆವರಿಸೋಕೆ ಶುರುಮಾಡಿದೆ.. ದಿನಕಳೆದಂತೆಲ್ಲಾ ತನ್ನ ವ್ಯಾಪ್ತಿ ವಿಸ್ತರಿಸಿಕೊಳ್ಳುತ್ತಾ ಸಾಗ್ತಿದೆ. ಇದೇ ವೇಳೆ ಆರೋಗ್ಯ ತಜ್ಞರು ಹೊಸ ತಳಿ ಒಮಿಕ್ರಾನ್​ ಹಳೆ ತಳಿ ಡೆಲ್ಟಾ ಜಾಗವನ್ನ ತುಂಬಲಿದೆ ಅಂತಾ ಊಹಿಸಿರೋದು ಮತ್ತಷ್ಟು ಆತಂಕವನ್ನ ಹುಟ್ಟು ಹಾಕಿದೆ.