LRS ಆಡಿಯೋಗೂ ನನಗೂ ಸಂಬಂಧವಿಲ್ಲ- ಶಾಸಕ ಸುರೇಶ್ ಗೌಡ

L.R.ಶಿವರಾಮೇಗೌಡರ ಆಡಿಯೋ ಬಗ್ಗೆ CBI ತನಿಖೆ ಮಾಡಿಸಿದ್ರೆ ಸತ್ಯ ಹೊರಗೆ ಬರುತ್ತೆ ಎಂದು ಮಂಡ್ಯದಲ್ಲಿ ಶಾಸಕ ಸುರೇಶ್ ಗೌಡ ತಿಳಿಸಿದ್ರು. ಈ ಬಗ್ಗೆ ಮಾತ್ನಾಡಿದ ಅವರು, ಆಡಿಯೋಗೂ ನನಗೂ ಯಾವುದೇ ಸಂಬಂಧವಿಲ್ಲ. ಈ ಬಗ್ಗೆ ಎಲ್ಲಿ ಬೇಕಾದ್ರೂ ಪ್ರಮಾಣ ಮಾಡ್ತೇನೆ. LRS ಉಚ್ಚಾಟನೆ ಮಾಡಿರೋದು ನಮ್ಮ ಪಕ್ಷದ ಹೈಕಮಾಂಡ್. CBI ತನಿಖೆ ನಡೆದ್ರೆ ಈ ಆಡಿಯೋ ಯಾರಿಂದ ಬಂತು. ಆ ಮಹಿಳೆ ಮಾಡಿದ್ದಾರಾ, ಅವರ PA ಮಾಡಿದ್ರಾ, ಕಾಂಗ್ರೆಸ್ ಪಕ್ಷದವರು ಮಾಡಿದ್ದಾರಾ, ದಳದವರು ಮಾಡಿದ್ರಾ ಎಂಬುದು ಗೊತ್ತಾಗುತ್ತೆ. ಜಿ.ಮಾದೇಗೌಡ್ರು ಹೋರಾಟ ಮಾಡಿ ಮಂಡ್ಯ ಜಿಲ್ಲೆಗೆ ಕೊಡುಗೆ ನೀಡಿದ್ದಾರೆ. ಅವರು ನಮ್ಮ ಮುಂದೆ ಇಲ್ಲ, ಅವರ ಬಗ್ಗೆ ಚರ್ಚೆ ಮಾಡಿದ್ದು ಸರಿಯಲ್ಲ. ಎಲ್​.ಆರ್​.ಶಿವರಾಮೇಗೌಡ ಮಾಡಿರುವ ತಪ್ಪಿನಲ್ಲಿ ನನ್ನ ಕೈವಾಡ ಇಲ್ಲ ಎಂದು ಶಾಸಕ ಸುರೇಶ್ ಗೌಡ ತಿಳಿಸಿದ್ರು.