900 ಕೋಟಿ ರೂ.ಬಜೆಟ್​ನಲ್ಲಿ 343.7 ಕೋಟಿ ಖರ್ಚು.. ಯಾವ ಫ್ರಾಂಚೈಸಿ ಬಳಿ ಎಷ್ಟು ಕೋಟಿ ಹಣ ಇದೆ..?

ಹರಾಜಿಗೆ ಫ್ರಾಂಚೈಸಿಗಳ ಸಿದ್ಧತೆ ಹೇಗಿದೆ? ಯಾವ ಫ್ರಾಂಚೈಸಿ ಬಳಿ ಎಷ್ಟು ಹಣಯಿದೆ? ಎಷ್ಟು ಸ್ಲಾಟ್​ ಫಿಲ್​​ ಆಗಬೇಕು? ಅದರಲ್ಲಿ ಓವರ್​ಸೀಸ್​ ಸ್ಲಾಟ್​ ಎಷ್ಟು? ಹೀಗೆ ಹಲವು ಪ್ರಶ್ನೆಗಳು ಮೆಗಾ ಹರಾಜಿಗೂ ಮುನ್ನ ಎಲ್ಲರನ್ನೂ ಕಾಡ್ತಿವೆ. ಈ ಎಲ್ಲಾ ಉತ್ತರ ನೀಡೋ ಕಂಪ್ಲೀಟ್​​ ರಿಪೋರ್ಟ್​ ಇಲ್ಲಿದೆ ಓದಿ.

ಇಂಡಿಯನ್​ ಪ್ರೀಮಿಯರ್​ ಲೀಗ್​ನ ಮೆಗಾ ಹರಾಜಿಗೆ ಕೌಂಟ್​​ಡೌನ್​ ಆರಂಭವಾಗಿದೆ. ಕೆಲವೇ ಗಂಟೆಗಳಲ್ಲಿ ಆಕ್ಷನ್​ ಆರಂಭವಾಗಲಿದ್ದು, ಯಾವ ಆಟಗಾರರ ಯಾವ ತಂಡ ಪಾಲಾಗ್ತಾನೆ ಅನ್ನೋದು ಎಲ್ಲರಲ್ಲೂ ಕುತೂಹಲ ಮೂಡಿಸಿದೆ. ಈಗಾಗಲೇ ಟಾರ್ಗೆಟ್ ಮಾಡಿರುವ ಆಟಗಾರರ ಖರೀದಿಗೆ ಫ್ರಾಂಚೈಸಿಗಳು ಪ್ಲಾನ್​ ರೂಪಿಸಿದ್ದು, ಲಾಭ-ನಷ್ಟದ ಲೆಕ್ಕಾಚಾರ ನಡೆಸ್ತಿದ್ದಾರೆ.

10 ಫ್ರಾಂಚೈಸಿ, 343.7 ಕೋಟಿ, 590 ಪ್ಲೇಯರ್ಸ್​.​.!

ಐಪಿಎಲ್​ ಹರಾಜಿನ ಸಿಂಪಲ್​ ಮ್ಯಾಥಮಿಟಿಕ್ಸ್​​ ಅಂದ್ರೆ ಇಷ್ಟೇ. ಒಟ್ಟು 590 ಆಟಗಾರರು ಕಣದಲ್ಲಿದ್ದು, 10 ಫ್ರಾಂಚೈಸಿಗಳು ಇವರ ಖರೀದಿಗೆ ಪೈಪೋಟಿ ನಡೆಸಲಿವೆ. ಆದ್ರೆ, ಈ 590 ಆಟಗಾರರಲ್ಲಿ ಗರಿಷ್ಠ 217 ಆಟಗಾರರು ಮಾತ್ರ ಸೇಲ್​ ಆಗಲಿದ್ದಾರೆ.

ಐಪಿಎಲ್​ ಹರಾಜಿನ ಲೆಕ್ಕಾಚಾರ

ಮೆಗಾ ಆಕ್ಷನ್​ಗೂ ಮುನ್ನವೇ ಇದ್ದ ರಿಟೈನ್​ ಅವಕಾಶದಲ್ಲಿ ಒಟ್ಟು 33 ಆಟಗಾರರನ್ನ ಫ್ರಾಂಚೈಸಿಗಳು ರಿಟೈನ್​ ಮಾಡಿಕೊಂಡಿವೆ. ಒಟ್ಟು ಇದ್ದ 900 ಕೋಟಿ ಬಜೆಟ್​ನಲ್ಲಿ ಈಗಾಗಲೇ 343.7 ಕೋಟಿ ಖರ್ಚಾಗಿದೆ. ಇದೀಗ 10 ಫ್ರಾಂಚೈಸಿಗಳ ಬಳಿ 556.3 ಕೋಟಿ ಉಳಿದಿದ್ದು, ಖಾಲಿ ಇರುವ 217 ಸ್ಲಾಟ್​​ಗಳ ಪೈಕಿ, 517 ಆಟಗಾರರು ಹರಾಜಿನ ಕಣದಲ್ಲಿದ್ದಾರೆ.

ಇಂದು ಮತ್ತು ನಾಳೆ ನಡೆಯೋ ಹರಾಜಿನ ಕೇಂದ್ರ ಬಿಂದು​ ಫ್ರಾಂಚೈಸಿಗಳ ಪರ್ಸ್​ ಸೈಜ್​. ಕಳೆದ ಆವೃತ್ತಿಗಳಲ್ಲಿ 80 ಕೋಟಿಯಿದ್ದ ಪರ್ಸ್​ ಸೈಜ್​ ಅನ್ನ ಈ ಬಾರಿ ಬಿಸಿಸಿಐ 90 ಕೋಟಿಗೆ ಹೆಚ್ಚಿಸಿದೆ. ಅದರಲ್ಲೇ ರಿಟೈನ್​ ಮಾಡಿಕೊಳ್ಳಲೂ ಹಣವನ್ನ ಬಳಕೆ ಮಾಡಿಕೊಳ್ಳಲಾಗಿದೆ. ಈಗ ಉಳಿದಿರೋ ಹಣದಲ್ಲೇ ಎಲ್ಲಾ ಖರೀದಿ ಲೆಕ್ಕಾಚಾರ ನಡೆಯಲಿದೆ.

ಫ್ರಾಂಚೈಸಿಗಳ ಬಳಿ ಉಳಿದಿರೋ ಹಣ ಎಷ್ಟು..?

ಪಂಜಾಬ್​​-72 ಕೋಟಿ

ಹೈದ್ರಾಬಾ​ದ್-68 ಕೋಟಿ

ರಾಜಸ್ಥಾನ-62 ಕೋಟಿ

ಲಕ್ನೋ-59 ಕೋಟಿ

ಬೆಂಗಳೂರು-57 ಕೋಟಿ

ಗುಜರಾತ್​-52 ಕೋಟಿ

ಸಿಎಸ್​​ಕೆ-48 ಕೋಟಿ

ಕೆಕೆಆರ್​-48 ಕೋಟಿ

ಮುಂಬೈ-48 ಕೋಟಿ

ಡೆಲ್ಲಿ-47.5 ಕೋಟಿ

ಪಂಜಾಬ್​ ಕಿಂಗ್ಸ್​​ ಪಡೆಯಲ್ಲಿ 23 ಸ್ಲಾಟ್​​ಗಳು ಖಾಲಿ ಉಳಿದಿದ್ರೆ, ಹೈದ್ರಾಬಾದ್​, ರಾಜಸ್ಥಾನ, ಲಕ್ನೋ, ಆರ್​ಸಿಬಿ ಹಾಗೂ ಗುಜರಾತ್​ ತಂಡಗಳಲ್ಲಿ ತಲಾ 22 ಸ್ಲಾಟ್​​ಗಳಿವೆ. ಇನ್ನು ಚೆನ್ನೈ, ಕೊಲ್ಕತ್ತಾ, ಮುಂಬೈ ಹಾಗೂ ಡೆಲ್ಲಿ ಫ್ರಾಂಚೈಸಿಗಳಲ್ಲಿ ತಲಾ 21 ಸ್ಲಾಟ್​​ಗಳು ಖಾಲಿ ಉಳಿದಿವೆ. ವಿದೇಶಿ ಸ್ಲಾಟ್​ಗಳ ಲೆಕ್ಕಾಚಾರದಲ್ಲಿ ಪಂಜಾಬ್​ ಕಿಂಗ್ಸ್​ 8, ಕೊಲ್ಕತ್ತಾ ನೈಟ್​ ರೈಡರ್ಸ್​ ಬಳಿ 6 ಸ್ಲಾಟ್​ಗಳು ಉಳಿದಿವೆ. ಇನ್ನಿಳಿದ ತಂಡಗಳಲ್ಲಿ 7 ವಿದೇಶಿ ಸ್ಥಾನಗಳು ಬಾಕಿ ಉಳಿದಿವೆ.

ಒಟ್ಟಿನಲ್ಲಿ ಪರ್ಸ್​​ನಲ್ಲಿರೋ ಬಾಕಿ ಬ್ಯಾಲೆನ್ಸ್​, ಹರಾಜಿನಲ್ಲಿರೋ ಆಟಗಾರರು, ತಂಡದಲ್ಲಿ ಉಳಿದಿರೋ ಸ್ಲಾಟ್​​ಗಳು.. ಈ ಎಲ್ಲವನ್ನ ಗಮನದಲ್ಲಿರಿಸಿಯೇ ಫ್ರಾಂಚೈಸಿಗಳ ಸಖತ್​ ಹೋಮ್​ವರ್ಕ್​ ಮಾಡಿವೆ. ತಮ್ಮ ಸ್ಟಾರ್ಟಜಿ, ಪ್ಲಾನ್​ಗಳನ್ನ ಹರಾಜಿನ ಟೇಬಲ್​ನಲ್ಲಿ ಹೇಗೆ ವರ್ಕೌಟ್​​ ಮಾಡ್ತವೆ ಅನ್ನೋದನ್ನ ಕಾದು ನೋಡಬೇಕಿದೆ.