ಭರ್ಜರಿ ಮೊತ್ತಕ್ಕೆ ‘RCB’ಗೆ ಮರಳಿದ ಹರ್ಷಲ್​ ಪಟೇಲ್​

ಸಿಲಿಕಾನ್​​ ಸಿಟಿ ಬೆಂಗಳೂರಿನಲ್ಲಿ ನಡೆಯುತ್ತಿರುವ 15ನೇ ಆವೃತ್ತಿಯ ಐಪಿಎಲ್​ ಹರಾಜಿನಲ್ಲಿ ರಾಯಲ್​ ಚಾಲೇಂಜರ್ಸ್​ ಬೆಂಗಳೂರಿನ ಮಾಜಿ ವೇಗಿ, ಹರ್ಷಲ್​ ಪಟೇಲ್ ಪುನಃ ಆರ್​ಸಿಬಿ ಪಾಲಾಗಿದ್ದಾರೆ.

ಕಳೆದ ಬಾರಿಯ ಆವೃತ್ತಿಯಲ್ಲಿ ಪರ್ಪಲ್​ ಕ್ಯಾಪ್​ ಹೋಲ್ಡರ್​ ಆಗಿದ್ದ ಹರ್ಷಲ್ ಪಟೇಲ್​ ಆರ್​ಸಿಬಿ ಪರ ಕಣಕಿಳಿದ್ದರು. ಈ ಆವೃತ್ತಿಯಲ್ಲಿ ಪಟೇಲ್​ ಅಮೋಘ ಪ್ರದರ್ಶನ ನೀಡಿದ್ದರು, ಹೀಗಾಗಿ ಈ ಮೆಗಾ ಹರಾಜಿನಲ್ಲಿ ಪಟೇಲ್​ ದಾಖಲೆಯ ಮೊತ್ತಕ್ಕೆ ಬಿಕರಿಯಾಗುವ ಸಾಧ್ಯತೆಗಳಿವೆ ಎಂದು ಅಂದಾಜಿಸಲಾಗಿತ್ತು. ಅದರಂತೆಯೇ ಈ ಯುವ ಬೌಲರ್​ ಬರೋಬ್ಬರಿ 10.75 ಕೋಟಿಗೆ ಆರ್​ಸಿಬಿ ಸೇರಿದ್ದಾರೆ.

ಪಟೇಲ್​ರನ್ನು ಖರೀದಿಸಲು ಆರ್​ಸಿಬಿ ಮತ್ತು ಗುಜರಾತ್​ ಟೈಟಾನ್ಸ್​ ನಡುವೆ ತೀವ್ರ ಹಣಾಹಣಿ ಏರ್ಪಟ್ಟಿತ್ತು. ಕೊನೆಯದಾಗಿ ಹರ್ಷಲ್​ ಮತ್ತೇ ಆರ್​ಸಿಬಿ ಪಾಲಾಗುವುದರ ಮೂಲಕ ತಂಡ ಬೌಲಿಂಗ್​ ವಿಭಾಗಕ್ಕೆ ಸಾಕಷ್ಟು ಬಲ ಬಂದತಾಗಿದೆ. ಇನ್ನು ಸ್ಫೋಟಕ ಆಟಗಾರ ಫಾಪ್ ಡು ಪ್ಲೆಸಿಸ್​ ಕೂಡ ಆರ್​ಸಿಬಿ ಪಾಲಾಗಿದ್ದಾರೆ.

WELCOME BACK to @RCBTweets @HarshalPatel23 #TATAIPLAuction @TataCompanies pic.twitter.com/us5hcfWnjW

— IndianPremierLeague (@IPL) February 12, 2022