ಚಾಣಕ್ಯನ ಪ್ರತಿಪಾದನೆ ಮೂಲಕ ಸಂಪುಟದಲ್ಲಿ ಸ್ಥಳೀಯರಿಗೆ ಅವಕಾಶ ಕೊಡಿ-ರಾಮದಾಸ್

ಸಿಎಂ ಬೊಮ್ಮಾಯಿ ನೇತೃತ್ವದ ಸಂಪುಟ ಪುನರ್‌ರಚನೆ ಹಿನ್ನೆಲೆ ಮತ್ತೆ ಸಚಿವ ಸ್ಥಾನದ ಆಸೆಯನ್ನು ಶಾಸಕ ಎಸ್​.ಎ.ರಾಮದಾಸ್ ಬಿಚ್ಚಿಟ್ಟಿದ್ದಾರೆ. ಚಾಣಕ್ಯನ ಪ್ರತಿಪಾದನೆ ಮೂಲಕ ಸ್ಥಳೀಯರಿಗೆ ಸಚಿವ ಸ್ಥಾನ ಕೊಡಬೇಕು ಎಂದು ಎಸ್.ಎ.ರಾಮದಾಸ್ ತಿಳಿಸಿದ್ದಾರೆ. ಸ್ಥಳೀಯರಿಗೆ ಆ ಮಣ್ಣಿನ ವಾಸನೆ, ಗುಣದ ಬಗ್ಗೆ ಗೊತ್ತಿರುತ್ತೆ. ಕಾಯಕಯೋಗಿ ಬಸವಣ್ಣ ಕೂಡ ಇದನ್ನೇ ಪ್ರತಿಪಾದಿಸಿದ್ರು‌. ಈ ನಿಟ್ಟಿನಲ್ಲಿ ಏಪ್ರಿಲ್ ನಂತರ ಸಿಎಂ ತೀರ್ಮಾನ ತೆಗೆದುಕೊಳ್ತಾರೆ. 1994ರಲ್ಲಿ ಮೈಸೂರಿನಲ್ಲಿ ಯಾರು ಇಲ್ಲದಾಗ ಐದು ಸ್ಥಾನ ಗೆದ್ದಿದ್ವಿ. 1997ರಲ್ಲಿ ನಾನೇ ಬಿ ಫಾರಂ ಹಂಚಿ ಏಳು ಸ್ಥಾನ ಗೆದ್ದಿದ್ವಿ ಎಂದು ಪರೋಕ್ಷವಾಗಿ ತಮಗೆ ಸಚಿವ ಸ್ಥಾನ ನೀಡಬೇಕೆಂದು ಶಾಸಕ SA.ರಾಮದಾಸ್​ ಒತ್ತಾಯಿಸಿದ್ದಾರೆ. ಸಚಿವ ಸ್ಥಾನಕ್ಕಾಗಿ ಶಾಸಕ ರಾಮದಾಸ್ ತೀವ್ರ ಲಾಬಿ ನಡೆಸುತ್ತಿದ್ದು, ವಿವಿಧ ಕಾರ್ಯಕ್ರಮಗಳನ್ನು ಆಯೋಜನೆ ಮಾಡುವ ಮೂಲಕ ಕೇಂದ್ರ-ರಾಜ್ಯ ನಾಯಕರ ಗಮನ ಸೆಳೆದಿದ್ದಾರೆ. ಇನ್ನ ಶಾಸಕ ರಾಮದಾಸ್​ಗೆ ಈ ಬಾರಿ BJP ಹೈಕಮಾಂಡ್ ಅವಕಾಶ ನೀಡುತ್ತಾ ಎಂದು ಕಾದುನೋಡಬೇಕಿದೆ.