ಮಂಡನೆ ಆಗಿರುವ ಮತಾಂತರ ನಿಷೇಧ ಮಸೂದೆಯಲ್ಲಿ ಏನಿದೆ..? ಬಲವಂತದ ಮತಾಂತರಕ್ಕೆ ಶಿಕ್ಷೆ ಏನು..?

ಕಾನೂನು ಉಲ್ಲಂಘಿಸಿದ್ರೆ ಶಿಕ್ಷೆ ಏನು ಅನ್ನೋದರ ವಿವರ ಇಲ್ಲಿದೆ.

ಮತಾಂತರ ನಿಷೇಧ ಮಸೂದೆ ಹೈಲೈಟ್ಸ್‌

• ಆಮಿಷ ಒಡ್ಡಿ ಒಂದು ಧರ್ಮದಿಂದ ಮತ್ತೊಂದು ಧರ್ಮಕ್ಕೆ ಮತಾಂತರ ನಿಷೇಧ
• ಎಸ್ಸಿ, ಎಸ್ಟಿ ಸಮುದಾಯದವರನ್ನು ಯಾವುದೇ ಕಾರಣಕ್ಕೂ ಮತಾಂತರ ಮಾಡುವಂತಿಲ್ಲ
• ಮತಾಂತರಗೊಳ್ಳುವ ವ್ಯಕ್ತಿ ಜಿಲ್ಲಾಧಿಕಾರಿಗೆ 30 ದಿನಗಳ ಮುಂಚೆಯೇ ಅರ್ಜಿ ಸಲ್ಲಿಸಬೇಕು
• ವಿಚಾರಣೆ ವೇಳೆ ತಪ್ಪು ಕಂಡುಬಂದಲ್ಲಿ ಕ್ರಿಮಿನಲ್‌ ಕ್ರಮಕೈಗೊಳ್ಳಬಹುದು
• ಮತಾಂತರಕ್ಕಾಗಿಯೇ ಆದ ಮದುವೆ ಕಾನೂನು ಬಾಹಿರ ಎಂದು ಘೋಷಣೆ
• ಬಲವಂತದ ಮತಾಂತರವು ಜಾಮೀನು ರಹಿತ ಅಪರಾಧವೆಂದು ಪರಿಗಣಿಸಲಾಗುವುದು
• ಅನ್ಯ ಧರ್ಮದ ಮದುವೆಗೆ ಆಯಾ ಜಿಲ್ಲೆಗಳ ಜಿಲ್ಲಾಧಿಕಾರಿಗಳ ಅನುಮತಿ ಕಡ್ಡಾಯ
• ಮೂವತ್ತು ದಿನಗಳ ಒಳಗೆ ಯಾವುದಾದರೂ ಆಕ್ಷೇಪಣೆಗಳು ಬಂದರೆ ವಿಚಾರಣೆ ನಡೆಸತಕ್ಕದ್ದು
• ಬಲವಂತ, ವಂಚನೆ, ಒತ್ತಾಯ ಹಾಗೂ ಆಮಿಷದ ಮೂಲಕ ಮತಾಂತರ ಮಾಡುವಂತಿಲ್ಲ
• ಮತಾಂತರದ ಉದ್ದೇಶದಿಂದ ಆದ ಮದುವೆಯನ್ನು ಅಸಿಂಧುವೆಂದು ಘೋಷಿಸಬಹುದು
• ವ್ಯಕ್ತಿಯು ಪೂರ್ವ ಧರ್ಮಕ್ಕೆ ಮರು ಮತಾಂತರಗೊಂಡರೆ ಮತಾಂತರವೆಂದು ಪರಿಗಣಿಸಲ್ಲ
• ಮತಾಂತರದ ಬಗ್ಗೆ ದೂರನ್ನು ನೀಡಿದರೆ ಎಫ್ ಐಆರ್ ದಾಖಲಿಸುವ ಅವಕಾಶವಿದೆ
• ಅಪರಾಧಕ್ಕೆ ನೆರವು ನೀಡಿದ ವ್ಯಕ್ತಿಯನ್ನು ಆರೋಪಿಯನ್ನಾಗಿ ಪರಿಗಣಿಸುವ ಅವಕಾಶವಿದೆ

ಬಲವಂತದ ಮತಾಂತರಕ್ಕೆ ಶಿಕ್ಷೆ ಏನು?

• ಬಲವಂತದ ಮತಾಂತರಕ್ಕೆ 3 ರಿಂದ 5 ವರ್ಷ ಜೈಲು ಶಿಕ್ಷೆ, 25 ಸಾವಿರ ರೂ. ದಂಡ‌
• ಅಪ್ರಾಪ್ತ ವ್ಯಕ್ತಿ, ಮಹಿಳೆ, ಎಸ್‌ಸಿ-ಎಸ್‌ಟಿ ವ್ಯಕ್ತಿಯ ಬಲವಂತದ ಮತಾಂತರ ಅಪರಾಧ
• ಈ ಕಾಯ್ದೆಯ ಪ್ರಕಾರ 3 ರಿಂದ 10 ವರ್ಷಗಳ ವರೆಗೆ ಜೈಲು, 50 ಸಾವಿರ ರೂ. ದಂಡ
• ಮತಾಂತರಕ್ಕೆ ಒಳಗಾದವರಿಗೆ ಆಪಾದಿತನಿಂದ ಗರಿಷ್ಠ 5 ಲಕ್ಷ ರೂಪಾಯಿ ಪರಿಹಾರ
• ಅಪರಾಧ ಪುನರಾವರ್ತನೆ ಆದಲ್ಲಿ 5 ವರ್ಷ ಜೈಲು ಶಿಕ್ಷೆ, 2 ಲಕ್ಷ ದಂಡ ವಸೂಲಿ
• ಮತಾಂತರ ಉದ್ದೇಶದ ಮದುವೆಯನ್ನು ಅಸಿಂಧುವೆಂದು ಘೋಷಿಸಲು ಅವಕಾಶ
• ವಿಚಾರಣೆ ವೇಳೆ ತಪ್ಪು ಕಂಡುಬಂದಲ್ಲಿ ಕ್ರಿಮಿನಲ್‌ ಕ್ರಮ ಕೈಗೊಳ್ಳಲು ಅವಕಾಶ
• ಅಪರಾಧಕ್ಕೆ ನೆರವು, ದುಷ್ಪ್ರೇರಣೆ ನೀಡಿದವರನ್ನೂ ಆರೋಪಿಯನ್ನಾಗಿ ಪರಿಗಣನೆ

ಒಟ್ನಲ್ಲಿ ಮಸೂದೆಯಲ್ಲಿರೋ ಅಂಶಗಳಿಗೆ ವಿಪಕ್ಷವಂತೂ ತೀವ್ರ ವಿರೋಧ ವ್ಯಕ್ತಪಡಿಸುತ್ತಿದ್ದಾರೆ. ಇಷ್ಟಾದ್ರೂ ಸರ್ಕಾರ ಮಾತ್ರ ಮಸೂದೆಯನ್ನ ಸಮರ್ಥಿಸಿಕೊಳ್ತಿದೆ.