ದೀಪಿಕಾ ಪತಿಗೆ ಸಾಥ್​ ಕೊಟ್ಟ ಅಕ್ಕಿನೇನಿ ಕುಟುಂಬ.. ’83’ ಚಿತ್ರಕ್ಕೆ ಟಾಲಿವುಡ್​ನಲ್ಲಿ ಸಿಕ್ತು ಆನೆ ಬಲ

ಸದ್ಯ ಬಾಲಿವುಡ್​ನಲ್ಲಿ ಸಿದ್ಧವಾಗಿರೋ ’83’ ಸಿನಿಮಾ ರಿಲೀಸ್​ಗೆ ಕೌಂಟ್​ ಡೌನ್ ಫಿಕ್ಸ್​ ಆಗಿದೆ.. 5 ಭಾಷೆಗಳಲ್ಲಿ ಬರ್ತಿರುವ ಈ ಚಿತ್ರಕ್ಕೆ ಕನ್ನಡದಲ್ಲಿ ಕಿಚ್ಚಾ ಸುದೀಪ್​ ಕನ್ನಡದಲ್ಲಿ ಸಾಥ್​ ನೀಡಿದ್ದಾರೆ. ಅದೇ ರೀತಿ ಈಗ ತೆಲುಗು ನಾಡಲ್ಲಿ ’83’ ಸಿನಿಮಾ ಜೊತೆ ಅಕ್ಕಿನೇನಿ ಕುಟುಂಬ ನಿಂತಿದೆ.

ಬಾಲಿವುಡ್​​ನ ವಿಶೇಷ ಪಾತ್ರಗಳಿಂದ ಗಮನ ಸೆಳೆದಿರುವ ರಣ್​ವೀರ್ ಸಿಂಗ್, ಬಿಟೌನ್​​ನ ಬಾಕ್ಸಾಫೀಸ್ ಪದ್ಮಾವತಿ ದೀಪಿಕಾ ಪಡುಕೋಣೆ ನಟನೆಯ ಬಹು ನಿರೀಕ್ಷಿತ ಪ್ಯಾನ್ ಇಂಡಿಯಾ ಮೂವಿ ’83’.. ಈಗಾಗಲೇ ಸಾಕಷ್ಟು ಕ್ರಿಕೆಟ್​ ತಾರೆಯರ ​ ಜೀವನಗಾಥೆಗಳು ಪ್ರೇಕ್ಷಕರ ಮುಂದೆ ಬಂದು ಹೋಗಿವೆ. ಆದರೆ ಭಾರತಕ್ಕೆ ಚೊಚ್ಚಲ ವರ್ಲ್ಡ್​ಕಪ್ ತಂದುಕೊಟ್ಟಂಥ ಕ್ಯಾಪ್ಟನ್ ಕಪೀಲ್ ದೇವ್ ಅವರ ಜೀವನ ಚರಿತ್ರೆ ಬಂದಿರಲಿಲ್ಲ. ಎರಡು ವರ್ಷದ ಹಿಂದೆ ಶುರುವಾದ ‘1983’ ರ ವರ್ಲ್ಡ್​ಕಪ್ ಕಥೆ ಈಗ ಬಿಡುಗಡೆಗೆ ಸಿದ್ಧವಾಗಿದೆ.

ಪೋಸ್ಟರ್​, ಟೀಸರ್​ ಬಿಟ್ಟು ಕುತೂಹಲ ಕೆರಳಿಸಿದ್ಧ ’83’ ಸಿನಿಮಾ ಭರ್ಜರಿ ಟ್ರೈಲರ್ ಮೂಲಕ ಕೋಟಿ ಕೋಟಿ ಭಾರತೀಯರ ನಿರೀಕ್ಷೆಯನ್ನು ನೋರುಪಟ್ಟು ಜಾಸ್ತಿ ಮಾಡಿದೆ. ಕಬೀರ್ ಖಾನ್ ನಿರ್ದೇಶನದಲ್ಲಿ ರಣ್​ವೀರ್ ಸಿಂಗ್ , ಭಾರತಾಂಬೆಯ ಮಡಿಲಿಗೆ ಮೊದಲ ವಿಶ್ವಕಪ್​ ತಂದು ಕೊಟ್ಟ ಕಪಿಲ್​ ದೇವ್​ ಪಾತ್ರದಲ್ಲಿ ಕಾಣಿಸಿದ್ದಾರೆ.. ಅಲ್ಲದೆ ಚಿತ್ರದಲ್ಲಿ ರನವೀರ್​ಗೆ ನಾಯಕಿಯಾಗಿ ಕನ್ನಡತಿ ದೀಪಿಕಾ ಪಡುಕೋಣೆ ನಟಿಸಿದ್ದು, ಚಿತ್ರದಲ್ಲಿ ಬಹುಭಾಷ ಕಲಾವಿದರ ದಂಡೇ ಬಣ್ಣ ಹಚ್ಚಿದ್ದಾರೆ.

ಇಡೀ ಭಾರತೀಯ ಚಿತ್ರರಂಗ ಹಾಗೂ ಕ್ರಿಕೆಟ್​ ರಂಗ ಎದುರು ನೋಡುತ್ತಿರುವ ಪ್ಯಾನ್ ಇಂಡಿಯಾ ಸಿನಿಮಾ ’83’ ಡಿ.24ರಂದು ಬಿಡುಗಡೆ ಆಗಲು ಸಜ್ಜಾಗಿದೆ. 1983ರಲ್ಲಿ ಏಕದಿನ ವಿಶ್ವಕಪ್ ಕ್ರಿಕೆಟ್​ ಪಂದ್ಯಾವಳಿಯಲ್ಲಿ ಭಾರತ ಜಯಗಳಿಸಿದ ಕಥೆಯನ್ನು ಹೇಳಲಿದೆ ’83’ . ಐದು ಭಾಷೆಗಳಲ್ಲಿ ಈ ಸಿನಿಮಾ ತೆರೆಗೆ ಬರಲಿದೆ. ’83’ ಸಿನಿಮಾ ಟ್ರೈಲರ್​ ರಿಲೀಸ್​ ಆಗಿದ್ದು , ಕನ್ನಡದಲ್ಲಿ ಬರ್ತಿರುವ 83 ಚಿತ್ರವನ್ನು ಸ್ಯಾಂಡಲ್​ವುಡ್​ನ ಬಾದ್​ ಷಾ ‘ಕಿಚ್ಚ’ ಸುದೀಪ್ ಅವರು ಅರ್ಪಿಸುತ್ತಿದ್ದಾರೆ. ಅದೇ ರೀತಿ ಟಾಲಿವುಡ್​ನಲ್ಲಿ 83 ಚಿತ್ರಕ್ಕೆ ಅಕ್ಕಿನೇನಿ ಕುಟುಂಬ ಸಾಥ್​ ನೀಡುತ್ತಿದೆ.

Thank you all !!! 😇❤️🧿🙏🏽 pic.twitter.com/DTNOpKp3DN

— Ranveer Singh (@RanveerOfficial) December 1, 2021

’83’ ಸಿನಿಮಾ ತೆಲುಗಿನಲ್ಲೂ ರಿಲೀಸ್​ ಆಗುತ್ತಿದ್ದು, ಟಾಲಿವುಡ್​ನಲ್ಲಿ ಅಕ್ಕಿನೇನಿ ಕುಟುಂಬ ಎರಡು ಜವಾಬ್ದಾರಿಗಳನ್ನು ಹೊತ್ತುಕೊಂಡಿದೆ. ಅದೇನಪ್ಪ ಅಂದ್ರೆ ಟಾಲಿವುಡ್​ನಲ್ಲಿ ’83’ ಸಿನಿಮಾವನ್ನು ವಿತರಣೆ ಮಾಡುವುದರ ಜೊತೆಗೆ, 83 ಸಿನಿಮಾದಲ್ಲಿ ಕಪಿಲ್​ದೇವ್​ ಪಾತ್ರ ಮಾಡುತ್ತಿರುವ ರಣವೀರ್​ ಸಿಂಗ್​ಗೆ ತೆಲುಗಿನಲ್ಲಿ ಅಕ್ಕಿನೇನಿ ಕುಟುಂಬದ ಕುಡಿ ಸುಮಂತ್ ಡಬ್ಬಿಂಗ್​ ಮಾಡಿದ್ದಾರೆ.

The incredible true story of the underdogs who pulled off the unthinkable!#83Trailer in Telugu Out Now: https://t.co/HGt91Xy43r 🔥

83 RELEASING IN CINEMAS ON 24TH DEC, 2021, in Hindi, Tamil, Telugu, Kannada and Malayalam. Also in 3D.#ThisIs83@kabirkhankk @RanveerOfficial

— Nagarjuna Akkineni (@iamnagarjuna) November 30, 2021